搬屋事忙到爆心情篇(一)


由正式公告至今, 差唔多兩年喇…

今個星期一(6月8號), 屋企同我(當然阿媽係户主)就同房署簽左新租約, 我的心情其實唔係興奮, 因為係好多年前我係好想似d中學同學咁, 屋企人一齊供樓, 不過事與願違, 亦深深明白到, 如果大家方向唔一致, 係唔會有實現我呢個願望的!

Anyway…
大家都叫終於可以改善環境, 即使比起同齡o既朋友遲左成十年, 但我亦叫幫到手, 因為我以前都會想…如果我嫁左, 屋企就唔會租到房署大小小o既單位..因為佢地計入住時人數..哈哈當然, 近呢幾年我心態都改變, 我想快d嫁…

原因
(一) 因為阿媽真係越嚟越離譜, 亦已經難搵到空間, 唔單止屋企細…仲有就係佢都真係老左, 唔再好似以前會去好多街, 去旅行, 行開一兩日..咁..我好難似d星星咁, 可以閃..我即使唔會被雷電擊中, 雷鳴聲亦會令我失眠:(
(二) 同身邊o既朋友都結左婚, 唔怪之得幾年前有個同事講, 結唔結婚, 屋企人唔出聲, 周圍o既朋友特別差唔多年紀, 如果佢地結婚生仔, 都令你自然會去諗, 去正視!

其實, 我仲邊有時間去諗

6月8號, 攪租約, 我係負責睇文件, 簽當然唔係我, 由11:00am至01:35pm; then 15 mins break, 拎住新鎖匙同簡單物品
1. 兩張摺椅 (係我四哥哥拎, 不過我一早預備)
2. 膠水桶
3. 簡單量度工具

由於阿媽要同friend(芬E)去買拜神野, 所以我地約係明愛中心門口等…等左好耐, 都唔見人, 又唔聽電話, 點架…結果, 我同兩個哥哥先上新屋, 心諗, 因間又要去接阿媽, 激死!

係 Lift Lobby 等等等…點解咁焗架…原來個空氣對流設計都唔work, 激死!

嘩, 等左成十幾分鐘, 都搭唔到lift架…因為架架lift都係G/F(停車場)都入晒d塼泥!

我靈機一觸, 再去睇下阿媽到未, 去接去先…見到阿媽喇, 吓…唔係呀…居然唔記得買拜神o既肥豬肉, 佢表態唔想再接返, 阿哥又話一定唔去…點呀即刻, 拜定唔拜架定求其拜…結果, 都係決定由我去買, 好熱呀~

以為可以大功告成…哎呀, 無火機wo…阿媽又話我阿哥對我講:”妳去問人借啦不如” 我呆晒答:”唔去” (心諗:”攪錯呀,叫我去, 仲想我一個人去, 今次唔再讓步”)

攪左全日, 終於都叫開始可以搬屋喇~